Dor neie Eingoofsladn

Sobald dor Gordnvergoof am 24.08.2026 so risch losgehn dud, schdarded unsor neies Diggedsisdehm fior alle Voranschdaldungn abm 01.11.2026.

Folschndes genn mor anbiedn:

Off Reschnung ber Bosd
Se grischn de Diggeds gans begwehm ber Briefdaube mid ennor 3 € Vorsandbauschahle nach Heeme. De beigelehschde Reschnung genn Se ber Ieborweisung begleischn.

Ber BehBahl bezahln un dor Druggor spuggd de Diggeds aus
Se zahln mid BehBahl un grischn de Diggeds un de Reschnung glei ber E-Mähl. De Diggeds genn Se daheeme vom Druggor ausschbuggn lassn odor Se speischorn Se offm Schmardfohn.

Bezahln beim Abholn
Nach dor Beschdellung gomm Se bei uns vobei un mir machn nen Dauschhandl - da grischn Se de Gordn bersehnlisch in de Griffln gedriggd un mir grischn de Gneede - abor uffbasse: vorgiss ne, s Bargeld oder de EC-Gorde midzunähm, Grädidgorde gehd leidor ne.
Un lassn Se sisch ne zu lange Zeid, sonsd miss mor de Gordn widdor freigähm un annre frein sisch driebor.

Falls Se mid dem gansn neimodschn Grimsgram nischd zu dun ham wolln, machd nüschd - glingln Se eefach dursch un mir helfn wo mor genn.

Nochewas:

Gundnnummor
Falls Se schon enne Gundnnummor bei uns haddn, dud's uns Leid, abor die genn mor ne mid ins neie Sisdehm iebornähm. Wenn Se also Diggeds fior ne Voranschdaldung ab Novembor goofn wolln, miss mor Se biddn, sisch ä neies Gondo anzuleschn.

Gudscheineinleesung
Ham Se noch n “aldn” Gudschein? Gee Broblehm, genn Se ooch im neien Schobb einleesn. Falls Se da Broblehme ham, genn Se uns gerne anbimmln unn mir unnorschdüdsn Se.