Dor Abnd

Ihr Abnd im FRESSdeaor beginnd schunn eene Schdunde bevor de Vorschdellung anfengt. Von dor Abndschbielleidung wärdnse schon sähnsischdisch erwarded. Nachdemmorse schdirmisch begrießd ham, wärdnse bis zu Ihrem Bladds gefiehrt. Jeds kennse sisch in Ruh mid Ihrm berseenlischn Gellnor begannd machn, schunnemal was ze Drinkng beschdelln, sisch ä bissl umguggn un in Schdimmung komm.

E Gruß aus unsorer Kische gitzlt Ihrn Gaumen un Ihre Vorfreide, dänn is gehd bald los mid dem Deador. Lähnse sisch in unsorn gemiedlischn un sogor drähbohrn Sessln zerick – wenns Schdigg dann anfengt, sindse ooch schunn middndrinne. Un weehrnds uff dor Biehne so e risch rund gähd, grieschnse  ihre leggoren Gänge nachnandor serviord. Abor kenne Angst, alles is so eingeblaahnt, dasse alles seh’n wärdn, nischd vorbassn un dorbei drotzdähm in Ruhe ässn kenn. Ooch zwischndursch is immer mal fier enne kleene Bause fier ihre Lasdor gesorschd, da kennse sisch ooch mal uff unsoren scheenen Abbordn umguggn.

Wenns Schdigg dann vorbei is, sorschn unsore Musiggor fier eene schdimmungsvolle Abrundung. Bleibnse ruisch noch e bissl siddsn un lassn den scheenen Abnd im FRESSdeador endschbannd ausglingen.