Voranschdaldungsausfall

 

Liebe Gäsde,

wenn dochemal eene Voranschdaldung ne schdaddfindn kann, wärdn ihre gegoofdn Gordn un Meniebeleesche uff ihrm Gundngondo guhdgeschriebn.

Umdausch
Da missmer mal drübor reedn un dann kennse das Guhdhabn in eene schbeedore Voranschdaldung ihror Wahl eindauschn. Dadorfier brauchmor dann abor ooch Ihrn neuen Wunschdärmien.

Eene neue Buchung iebor unsorem Onlein-Schobb kömmor leidor ne mid dem Guhdhabn vorgnübbfn. Abor rufnse mal bei unsorm Gordn-Sörvis an, die hälfn Ihnen immor gärne weidor un undorschditznse mid Raad un Daad.

Guhdschein
Se grieschn en Guhdschein in dor Heehe des volln Goofbreises. Der kann schbeedor in andore Gordn eengelösd wärn.

Abor denknse dran: Damidse kenne unneedschn Gosdn hab, schiggngmor kenne Guhdscheine mid dor Bost, abor in eennor E-Mähl is das gor kenn Brobleem.

Schbendn
Nadierlisch kennse ooch deilweise odor ganz uff de Rickorschdaddung vom Gordnbreis vorzischdn. Dann freunmor uns ganz doll iebor Ihre Undorschditzung un bedankn uns hardslisch fier Ihre Hilfe. Gärne schdellmor Ihnen fier ne orschdaddede Bedräsche enne Schbendnbescheinischung aus.